2009年5月29日 星期五

我要" 咋傻 "

2009年5月29日下午10:13公開累積瀏覽 295 22

  
    今日我要 "咋傻". 

    oh  sorry , 係 " 炸稯 " 至啱 ,  多謝呀 張師奶 , 許師奶 , 莫師奶 請我哋食嘅稯加埋有成十幾隻  , 不過次次都係獨孤一味 "烚 "好悶呀 , 突然諗起 N 年前係街頭 Buffet 食過嘅"炸稯" , 只不過將 "稞蒸稯"切開加上粉漿落鑊炸一陣撈起洒上少許淮鹽就 變成另一種食法 , 唔錯唔錯 . 有興趣嘅可以試吓. 
  ( 勿然想起好耐冇食過嘅街頭 Buffet , 呢啲咁有香港特色嘅美食已經買小見小喇 , 香港應該學吓人哋其他國家將自己最有特色嘅美食保留 , 大力宣傳做買點 , 好似 "台灣 " , "馬來西亞"  "泰國 ", 啲夜市食街咁 , 做到遊客必到必試 , 咁咪又多一個香港特色囉 , 豬豬 . )

 

2009年5月26日 星期二

日式燒餅

2009年5月26日下午9:55公開累積瀏覽 2829 12


   日式燒餅  :  食譜 , 做法  

   唔想食飯嘅又一選擇

   


材料 :  麵粉  50g . 水 50g , 雞蛋 2 隻 , 蟹柳 5 條 , 小椰菜  半個 ,  (其實仲有蝦仁 , 不過唔記得買 , )     (  呢個係 8 吋餅 , 細食嘅二人 ,份量可減半 .)   
   


    所以加咗幾粒帶子 . 將所有材料混合 .
   

易潔鑊用中火加一湯匙油燒熱後倒入己混合好嘅材料 , 堆成圓圓地形狀後 , 蓋上蓋焗 5 分鐘 , 熄火



  用一隻大碟蓋住個鑊後反轉將餅倒出 , 然後再推回鑊內蓋上蓋煎焗 5 分鐘至另一面金黃,

 

   倒出後加上燒餅醬 , 沙拉醬 , 木魚碎 , 即可 .
 

2009年5月24日 星期日

補償

2009年5月24日下午10:16公開累積瀏覽 286 16


今日又係不停落雨  , 又冇出街 , 好在星期五行 sogo 時大量入貨 , 唔使出街都有嘢食 , 所以今日就整個豐富大餐當作我冇得去街 嘅補償啦 !

先嚟一隻"黃帝蟹"刺身 :     

 

  拆開後勁多 "膏同蟹籽 ' , 正 (sale 姐姐果然冇呃我 , 話呢隻正 ) 



  最後用咗啲 '蟹籽蟹膏"嚟炒飯 , 再將炒飯放入蟹蓋加芝士再焗 , 嘩 ,個焗飯真係香到不得了 , 再加多個 3L超級大帶子剌身 ,  真係又正又飽 ,


2009年5月23日 星期六

蝦肉餃子

2009年5月23日下午9:23公開累積瀏覽 192 4


簡簡單單嘅 :    煎蝦肉餃子
  
 


    材料 :  蝦肉 , 豬肉 . 椰菜 . 冬菇 . 

2009年5月22日 星期五

消暑飲品

2009年5月22日下午4:54公開累積瀏覽 130 5


   薏米檸檬蜜糖飲 :

  夏天到我會減少煲嘅次數 , (因為太熱唔係好想再飲熱辣辣嘅湯 , 改為煲多啲涼茶同消暑飲品 , ) 呢個薏米檸檬蜜糖飲 , 就最啱夏天飲 , 薏米可以利尿去水腫 , 蜜糖又有滋潤功效 , (長時間逗留喺冷氣地方最易令人喉嚨乾渴 , 皮膚乾燥 ,)  再加埋檸檬嘅清香 , 當妳去完街返到屋倒番一杯飲真係咩暑都即刻消哂 . 

   

                   

2009年5月14日 星期四

飯後甜品

2009年5月14日下午9:46公開累積瀏覽 199 11


   本來今日想整 N Y Cheese  Cake , 點知買唔倒酸忌廉 , 所以改咗整"桂花椰汁糕" , 今次仲整埋魚仔型 , 靚靚 .....

  



  

2009年5月13日 星期三

一隻豬手整兩味

2009年5月13日上午1:21公開累積瀏覽 253 3

   
黑椒洋蔥炆豬手 ~ 食譜

   我煲"青紅羅白"湯鐘意用"咸豬手"嚟煲 , 因為煲完湯我會撈番起隻豬手用嚟整" 黑椒洋蔥豬手煲 " , 好好味架 , 買一隻豬手都係$30蚊倒 , 煲完湯仲可以整多味餸真係好抵架 .  
 


洋蔥黑椒豬手煲 : 

    咸豬手 一 只  ( 煲完湯嘅 )
    洋蔥     一 只   (切條 )
    黑椒碎粒     適量    (食得辣嘅可以落多啲 )
    老抽     兩湯匙
    蜜糖    一湯匙      
   (因各人口味不同 , 調味份量可除意加減 .)
 
    做法 :

用小許油爆一爆洋蔥 ,然後將豬手放入 ,  再加入老抽 , 蜜糖 , 黑椒碎粒撈匀 ,蓋上蓋 用中小火炆10 至 15 分鐘 熄火即可 .  (因為煲完湯嘅豬手以經淋哂所以唔需要炆咁耐 , )

  


  最後加多個九菜炒蛋 , 就係今晚嘅晚餐 .
 

香蕉奶昔

2009年5月13日下午3:58公開累積瀏覽 192 9


      用咗起哂梅花點嘅"香蕉"嚟整嘅奶昔 , 真係 好香滑 , 不過卡路里勁高 , 都係小飲為妙 .


          


香蕉奶昔

2009年5月13日下午3:58公開累積瀏覽 191 9                    


      用咗起哂梅花點嘅"香蕉"嚟整嘅奶昔 , 真係 好香滑 , 不過卡路里勁高 , 都係小飲為妙 .
          

2009年5月10日 星期日

醉雞

2009年5月10日上午12:00公開累積瀏覽 3414 1


     
醉雞 ~ 食譜   

 

   材料 :
               
 新鮮雞                   一隻    洗淨
醉雞汁                    一支
花 刁 酒                 約1/5 一支
粗 鹽                      5 湯匙
芫茜 , 蔥                3 蚊          


做法 :

煲一煲可以蓋過"雞"嘅水, 水滾後加芫茜, 葱 , 鹽 , 雞 . 煮20分鐘熄火焗10分鐘取出放涼後斬件放入大碟中加入"醉雞汁"一枝 加 "花刁酒" 半杯 浸一陣, 然後放入雪柜雪1至2小時取出 , 將醉雞汁倒起可以留番下次用 , 食時再加番兩湯匙醉雞汁淋面 .
 


    ( "花刁酒 " 嘅份量可除喜好加多或減少 )

    * 以上食譜可除喜好整 乳鴿  , 雞翼 , 鮑魚 *  

2009年5月3日 星期日

酥皮叉燒酥

2009年5月3日下午12:29公開累積瀏覽 1005 13


     

  簡單易做嘅酥皮叉燒酥  ~  食譜




第一次做冇為意焗完後佢會漲大  ( 變咗大碼 ) 

下次要整噃細條啲會靚仔啲  (好味 )    

  
 
 材料 :

酥皮    一塊   (一開六 ,或一開八 )  以上係一開六嘅size .


 叉燒    除意   (切細粒)   我用咗$10蚊

 
洋蔥   半個   (切細粒)


 粟粉 二茶匙


 蠔油     三湯匙


 糖  二茶匙


 水   八湯匙


做法 :

    1  先將調味料混合拌勻 .

    2  用小許油爆香叉燒同洋蔥,然後加入調味料炒至杰身 , 備用 .
    3  將餡料放在切好嘅酥皮上捲好,(可除意掃上蛋液 )不過我冇 .
   4  焗爐預熱 170度焗10分鐘或金黃色就ok