第一爆 ~ 荔枝味

2010年8月31日上午12:35公開累積瀏覽 500 36

  

第 一 爆   ~  荔枝味   

打風打唔成 ~ 好焗好熱  ,  透唔倒氣喇  

一到星期六就係司機車傭人去街市買嘢嘅日子 .

司機~ 就係我 老細 喇 ! 

傭人~ 就更係 我 啦 !

我哋同屋企人飲完茶去完街之後就各有節目 ~ 散 band 

我嘅 ~ "司機 " 就車咗佢嘅 ~ "工人"去街市入貨 ~ 買生果

食開嘅橙越賣越貴 , 之前 $ 5 蚊大大隻 , 而家就要賣到 $ 6.5一隻喇

不過唔買又唔得 ~ 因為 老細鐘意食 .

買完橙睇見啲碌柚好似好正咁   ~ 又買

買完碌柚 又見倒有 $ 10 蚊四隻芒果    ~ 即買

買完芒果又見倒有涼粉賣    ~  買埋 

買咗咁多生果同埋涼粉 即刻返歸開工  ~  整  !

 
   芒果涼粉粒爆珠  ~  荔枝味  
   

話梅豬手煲

2010年9月8日下午11:59公開累積瀏覽 662 37

  話梅豬手煲   ~   31 - 08 - 10

自從上次新潮師奶仔嘅好介紹  ~  話梅豬手煲後 ~ 一試難忘 

即刻上網睇吓搵唔搵倒食譜  ~ 我又要整俾"老細"食 

點知搵嚟搵去淨係得一個類似嘅譜 

但係我知呢個譜一定唔係我心目中想要嗰隻味

因為我見佢嘅用料同我食過嘅有出入 , 差咁啲嘢 .

但係又好想食 , 唯有胆粗粗試吓跟呢個譜睇吓整出嚟味道如何 .

即刻走去買齊材料  ~ 開工 整 !

果然不出我所料 , 呢個譜 ~ 唔係我杯茶  

雖然唔係我杯茶 , 不過我已經從呢兜豬手中悟出咗我想要而又欠缺嘅  
  

   再嚟話梅豬手煲   08 - 09 - 10

今晚我又再戰呢個豬手煲 

有咗上次嘅經驗 , 我已經知道我想要嘅話梅豬手煲係應該點 架喇 !

經我嘅研究後今次俾上次整嘅好好多 , 味道亦近似喇 

証明咗我諗嘅中咗 , 用嘅都中埋   
至於味道方面就更係冇 x x x 嘅咁好味啦

我有信心應該會越整越好味  !

不過  ~ 係唔知幾時

因為  ~  呢兩兜豬手 已經食到我哋好漏喇 , 要停一停 , 抖一抖 , 遲啲再戰過 


      

流心芒果布甸

2010年8月20日上午12:01公開累積瀏覽 722 46

 
流心芒果布甸  yummy

　　

自從舊年5 月遊 blog 遊咗去 Darling 個 blog 睇見佢整咗個流心芒果布甸 ~   http://hk.myblog.yahoo.com/syc204/article?mid=15491

我一睇見就愛上咗

跟住 Darling 响 6月就擺埋食譜 + 做法 出嚟教大家整   http://hk.myblog.yahoo.com/syc204/article?mid=17353

而 Darling 呢個流心布甸舊年仲刊登咗响多倫多嘅明報 ~ 樂在明廚 同讀者分享  ,  http://hk.myblog.yahoo.com/syc204/article?mid=22817 

呢個非一般嘅芒果布甸唔同普通嘅布甸 , 因為 Daling 教咗用芒果茸雪到冰粒然後加入布甸內做流心餡 , 當妳切開個布甸時會有果茸流出嚟真係 好正呀 !

相信除咗我之外應該仲有好多卜友仔都跟過 darling 呢個咁正嘅譜整嚟食過 .

而我就梗係唔蝕底即刻 撻 咗個譜跟 跟 跟 , 跟住整  ( 係呀 , 我係明撻個譜呀 , 不過我有公開多謝 Darling 架 ) ( 因為我有家教囉 )  我唔會好似啲人咁 咁

冇品 , 問完人嘢仲撻埋人哋嘅食譜然後扮哂自己整嘅咁缺德

有腦又聰明嘅人一睇就知妳啲譜譜又撻又抄然後改少少 組合得嚟ga la .

" 鴕鳥 "  呢個 blog 界好細架咋 , 做壞事一定有人知架 , 只不過大家夠厚道唔兜口兜面拆穿妳咋 , 妳就以為冇人知呀 , 正 C 蠢   

 如果有興趣想試吓整呢個流心芒果布甸嘅人可以 click入去試吓整吖 http://hk.myblog.yahoo.com/syc204/article?mid=17353

一個人的晚餐

2010年8月17日下午11:30公開累積瀏覽 421 26

 

    一個人的晚餐   ~  

今日老細又返夜 

我又可以去反 lu , 所以尋晚約定咗朋友仔去街街

點知今日一起身就發覺個電腦撻唔着 , 電視又撻唔着 , 電話又用唔倒 

嗱嗱聲用手電打去 CB 問吓發生咩事

原來我哋嘅公共天線 short 咗 , 已經進行搶修 .

搞到我上唔倒網 click唔倒回應同 "E 貓" ( 人哋本來諗住一早起身搞掂哂啲嘢就可以去街街架嘛 ) 點知就咁搞亂哂  .

搞到我要推咗個約會留响屋企不停打電話去逐一聯絡

搞得嚟都已經下晝三點幾 , 又冇電視睇 , 又上唔倒網 , 唯有响屋企整吓呢樣 , 搞吓嗰樣 , 打發吓時間啦

因為老細返夜唔返嚟食 , 得我一個食自己 , (晏畫已經出去食咗個"老麥"套餐 , 所以唔想再出街搵食 ) 好彩我嘅儲備夠 , 摷吓個雪柜又整咗個簡簡單單一人晚餐  ~ 飽飽

    黑椒牛肉片 + 蛋 漢堡  伴沙律菜  ~  

   

                                                

芝士焗貝殼粉

2010年8月16日下午10:40公開累積瀏覽 410 25

芝士焗貝殼粉   ~  (食譜 )

呢個貝殼粉係上次卜聚 藍媽媽帶我哋去買嘅 , 佢哋話呢隻粉唔同超市賣嗰啲貝殼粉 , 因為呢隻係用米做 , 食落煙煙軔軔幾特別 , 所以我都買咗包試吓 ~  

今次我試吓將佢用芝士嚟焗 , 試吓咁樣整好唔好味先  

我仲落咗已經炒香咗嘅煙肉 同埋蝦仁 再煮咗忌廉汁拌勻後再鋪上芝士入爐焗  ~ 夠哂野味 ~

食後感 : 個貝殼粉食落真係煙煙軔軔好好味  我仲有半包淨 , 下次用第二種整法試吓先



  芝士蝦仁煙肉焗貝殼粉    ~    我的做法

材料 :

     貝殼粉   半包  ~ 煮熟備用

      蝦仁   十幾隻

      煙肉   三片  ~ 去肥切砰

     mozzarrella 適量

    淡忌廉   1 杯

    鮮奶   半杯

     鹽   少許    


做法 :  先將煙肉 , 蝦仁落鑊炒熟 ,然後倒入淡忌廉 , 鮮奶 拌勻 加鹽調味 . ( 個汁可以咸少少 , 係少少 好 lu 喎 ,  因為一陣落埋貝殼粉後拌勻味道就會啱啱好 ) 

       調啱味後再現煮至滾起就將貝殼粉倒入拌勻 .

舀起貝殼粉入焗兜內入焗爐用200度 焗10 分鐘 至芝士溶化即可 .  

                                                

好易整 ~

2010年8月11日下午10:35公開累積瀏覽 1020 37

     好易整   ~  (食譜 )


今日閒閒 "好得閒"  ~   




走咗去商場四圍行 , 見倒書局入咗去行 , 點知睇完本書之後就"唔得閒" , 因為要趕住去超市所以變咗"唔得閒" .
雖然我以前都幾有自信 , 不過今日睇完嗰本書之後簡直令到我嘅自信心滿到倒瀉呀    ( 我自信不過我唔自大 )
所以今日我好大膽咁教大家整  ~  沙律  .





呢個沙律就係叫做  ~  挪威煙三文魚沙律 .

    材料 :

專人從挪威空運返嚟嘅 煙三文魚 .  ( 多謝藍媽媽送嘅三文魚 )
  專人從超市買返嚟嘅 羅馬菜  & 沙律專用嘅 麵包脆粒 , 沙律醬 .
做法

先將羅馬菜切碎鋪入大碟中 .
   再將煙三文魚切粒後洒上菜面 . ( 除意洒上就可以 )
   然後再洒上麵包脆粒 . ( 除意洒上就可以 )  
   再除意洒上芝士粉 .
   再除意淋上沙律醬即可 .

大家係咪即刻會話  ~  唓 , 仲以為咩咁利害 , 原來係呢啲小兒科咋 ~ 吓話 , 係人都識整啦 ! 妖 .
無錯我今日就 係睇咗嗰本原來好簡單嘅書 , 發現我都好有材華 , 所以至敢膽粗粗响樹教大家整啲好鬼簡單嘅嘢食 , 希望大家支持吓