2011年5月26日下午11:39公開累積瀏覽 1708
zippo
多用途點火器 正式登陸香港
設計時尚簡約 助您燃點生活趣味
好多謝 Lawrence Lui 嘅邀請 今日有幸出席 zippo 新產品預覽暨香薰蠟工作坊
zippo 自1932年創辦至今已生產超過 4億7,500萬枚附有永久保證防風打火機 . 時至今日zippo 已擁有更多元化產品系列 . 包括打火機配件 , 丁烷蠟燭點火器 , 手錶 , 香水 , 男士時尚配飾 , 以及專為戶外活動愛好者而設計的系列 .
zippo 將於2011年6月推出全新的多用途點火器 (Multi Purpose Lighter)，為歷史悠久的Zippo品牌注入新元素！
新產品包括 ~ 迷你點火器 ( mini MPL ) 備有珍珠白色 , 黑色 , 銀色 , 粉紅色 四色 . 曲咀點火器 ( Flex Neck MPL ) 備有 經典銀 , 啞面黑 兩色 .
新系列點火器現正於永安百貨 , 崇光百貨 , 香港汽車會 有售 . 如有任何有關產品查詢 可致電銷售熱線 Tel : 24878726 .
而今日產品預覽活動上，來自Zippo美國總部的環球市埸推廣總監David Warfel先生親臨香港並到會埸介紹即將到港的多用途點火器以及本年度於香港發售的一系列產品，以迎合眾多追求高質生活品味的香港消費者。
新產品迷你點火器外型輕巧 , 比起傳統火柴 普通打火機更方便好用又美觀 , 不論是生日派對 , 慶祝活動 , 用作燃點生日蠟燭 , 香薰 , 中秋花燈 , 祭祀香燭均適合不過 .
而另一款全新曲咀點火器 備有一系列安全設計 , 除點火器輸出的火焰可除意調較大小外 , 噴呸更可作360c轉向 ,方便用家燃點一些難於觸及地方 . 機身亦設有一個已取得專利的兒童安全保險按鈕 , 於戶外燒烤或露營煮食即使大風或潮濕仍可輕易點起爐頭 , 用家可以用得安心又放心 .
是次活動除介紹新款產品之外 , 所有出席活動之Blogger不但可即場率先試用Zippo多用途點火器，更即場親自獲贈迷你版多用途點火器。( 我揀咗靚靚粉紅色 )
zippo 更邀請專業香薰治療師即場教我哋一班 Blogger 親手製作獨一無二的香薰蠟燭 , 作品完成後更可以帶佢哋歸家
大會派發俾大家一人一份整香薰蠟燭嘅用具
有好幾款 香薰油 俾大家選擇 , 我哋不約而同都揀咗薰衣草紫色 + 甜橙味 香薰油
呢張試紙係比我哋溝好色後試吓啱唔啱心水用 , 不過我哋發覺呢張試紙有點兒曖昧 , 感覺似驗孕紙呢 ~ 
以下係 菲仔 , 硬琳 , 何師奶 & 我 嘅 xx紙
搞咗一大輪後 終於成功 我嘅 B 出世喇 
即時用咗我揀嘅靚靚粉紅色迷你點火器剪綵先 ~ 
而活動完畢後大會更安排咗好多精美茶點 俾 大家享用
最後好多謝 Lawrence Lui . Meiling Chan . Pamela So 嘅邀請 , 多謝你哋嘅安排 , 今次嘅活動除咗令我對 ZIPPO 嘅產品認識更多外 , 仲可以學整埋香薰蠟燭 , 真係好開心呀 
2011年5月24日下午11:10公開累積瀏覽 922
芝士牛柳粒焗茄子 ~ (食譜 )
呢幾日啲天氣好鬼怪 , 時晴 , 時雨
一出太陽就好鬼哂
一落起雨上嚟就有遮都冇用 ~ 一樣濕 哂
今日雖然間中都有少少雨粉 , 不過氣溫就好正 23c ~ 好舒服 ~ 我鐘意
今晚整咗個 新嘢 ~
芝士牛柳粒焗茄子
材料 >
茄子 兩條 , 牛柳粒 250g , 蘑菇 一盒 , 芝士 大量 , 蕃茄 三個 , 茄膏 半杯 .
( 先將茄子洗淨切斜片 , 蘑菇切片 , 蕃茄切粒 )
做法 :
1 . 燒熱鍋後落蘑菇炒至水份收乾落牛油爆香舀起 倒入焗盆中心
2 . 落油燒熱鑊後落茄子炒至軟身舀起倒入1 中蘑菇嘅上層
3 . 再落油燒熱鑊後落牛柳粒炒香 , 然後倒入 1 中茄子之上
4 . 將蕃茄落鑊炒至軟身後加入茄膏拌勻後落糖 , 鹽 調味
5 . 將 4 平衡倒入 1 中 然後平衡地洒上芝士
6 . 焗爐 用 200 c 預熱後 將 1 放入焗10 分鐘 至芝士溶化微焦即可 .
2011年5月23日下午9:00公開累積瀏覽 809
拿破崙蕃茄意粉 ~
上星期五 係 sogo 嘅 thankful week 第一 day
但係 撞正約咗班 blog 友仔去食 buffet
原本想 一早去shopping 諗行完先再去食
不過唔得 , 因為嗰朝早要整伴手禮 送比 blog 友仔 , 所以冇時間去行
星期 六 日 又太多人唔想去
唯有忍到今日等 老細 出咗門口去返工 我就拿拿聲起身梳洗好 搞掂哂就出門口去 shopping 
過到去時間啱啱好 10 點正開門
( 其實次次 thankful week 我都鐘意一早去行 , 快速搜尋 , 買 買 買 盡量1 點前就走人避開啲放食飯 嘅 OL , 專登咁早去行冇咁多人 , 可以行得舒服啲 ) 
第一時上咗9 樓 , 由 9 樓開始逐層行返落嚟 , 逐層掃 , 最後一站掃到落超市 
今日收穫都 ok , 買咗幾件衫 同一個 Wallet 比 老細 , 而我就買咗個 S Bag + Skin care
想買鞋 , 不過睇唔啱 , 最後去埋超市 但只係掃咗啲小食 ( 唔敢買太多 , 因為轉頭又要入荃灣同屋企人飲茶 )
今日早出 晚歸 蒲咗一日 好攰呀 ~ 
懶 ~ 晚餐淨係開咗包 之前買落 嘅即食意粉 再加幾粒牛柳 ~ 搞掂 !
呢隻意粉食落口感好搞嘢 , 話就話係意粉 , 不過食落又似食緊公仔麵
唔知係咪因為係 日清 出品 呢 
