清清哋 ~

6 - 11 - 2013

粟米粥 + 味菜牛柳絲煎麵 ( 食譜 )

近排天氣開始有少少涼意 , 朋友們已經急不及待 大開食戒
大閘蟹 + 火鍋 食完一輪又一輪
差不多隔一日就有一餐 , 一星期內已經食咗4 轉喇
自己都食到覺得有啲過份 ~ hehe
見今日冇飯局 一於煲粥食 清清哋 比條腸抖吓先 !
簡簡單單 咁煲咗一煲 粟米粥
再配一碟好耐冇整 我至 like 嘅 味菜牛柳絲煎麵




酸酸甜甜又爽脆嘅咸酸菜 ( 其實係甜多咸嘅呢 )  ^^
加埋用黑椒醃嘅牛柳絲同煎到面層脆卜卜嘅麵一齊食 , 真係好鬼夾 ga 啫  ^0^

*呢個煎麵無須用油炸，只須1湯匙多少少油就可煎出香脆效果，比起用油炸嘅徤康好多呢* ^_*



味菜牛柳絲煎麵  ~ hanhan食譜  二人份

材料 :
牛     柳                500g      切幼絲
味    菜                 $5 蚊     洗淨切幼條
炒麵餅                  一個  


牛柳醃料 :
黑椒碎            少 許
糖                    1 1/2茶匙
豉 油              半湯匙
生 粉              半湯匙
麻 油              半茶匙
水                   兩茶匙


獻汁 :
 蠔 油    一湯匙
 糖         兩茶匙
生 粉     一湯匙
水          半 碗


做法 :
1 . 先將麵餅 用水浸軟鬆開 , 然後沖一沖水再隔去所有水份備用
2 . 牛柳絲 用 醃料 醃 一小時
3 . 用易潔鑊 + 半湯匙油用中火燒熱 將炒麵加入鑊中輕輕挑散成圓形

4 . 慢慢煎至乾身麵條開始脆身
5 . 然後將麵餅反轉煎另一面 ( 煎另一面時沿鑊邊加少許油淋一圈 )

6 . 將兩面麵煎至面層脆卜卜麵餅盛起上碟

7 . 燒熱半湯匙油後將牛柳絲倒入鑊中炒至7 成熟加入味菜拌勻炒至牛柳全熟盛起加上麵餅上

8 . 將獻汁拌勻落鑊兜至滾起開始杰身即可熄火 , 然後平均地淋上牛柳絲上即可
             

*因為味菜味濃 所以醃牛柳絲時唔須要太重手, 否則會過咸呢 *

2013年 惠康 ~ 馬來西亞 食品節

 

 

 

惠康「馬來西亞風味」食品節       載譽歸來

 

 14日推廣期内為顧客帶來一系列馬來西亞可口美食

  

[香港，2013年11月9日] — 惠康與馬來西亞再度攜手合作，在香港舉行馬來西亞食品節推廣活動。

多謝 靚女公關 Helen kok 嘅邀請   hanhan 今年再度有幸出席位於 馬鞍山新港城中心舉行之揭幕禮  

由11月9日起為期14日的「馬來西亞風味」食品節，由馬來西亞國內貿易、合作社及消費部部長Dato’ Hasan Bin Malek親臨新港城為食品節揭幕。 

馬來西亞國內貿易、合作社及消費部與惠康再度合作，於香港舉辦「馬來西亞風味」食品節，有多款精選的產品，包括餅乾、飲品、冷凍食品、罐頭食品和調味品等等。

 

 一系列「馬來西亞風味」食品節推廣產品於六間惠康Superstore有售，包括 新港城、康澤花園、銅鑼灣、紅磡、都會豪庭及上水惠康Superstore。 

為隆重其事，惠康特意邀請香港星級名廚余健志(Jacky Yu)即席示範兩道馬來西亞風味創意菜式 —香炒椰香辣味蝦及馬來薄餅卷。兩道菜式皆以各款馬來西亞之食材烹調，色香味美。
食品節推廣期間，指定惠康分店内將舉辦多個烹飪示範及試食活動，讓顧客有機會品嚐來自馬來西亞的美食。

  

惠康總裁林文聰先生表示：「『馬來西亞風味』食品節充分體現馬來西亞國內貿易、合作社及消費部以及牛奶公司多年來的貿易合作成果。近年，牛奶公司於香港、印尼及新加坡等地，均先後多次成功舉辦相關之推廣活動。活動對在各地推廣馬來西亞的飲食文化尤其重要，且助益良多。」 

  

(左至右) 馬來西亞GCH Retail (Malaysia) Sdn. Bhd. (Grocery & GMS) 採購董事Matthew Tett先生、牛奶公司集團馬來西亞與汶萊區地區董事(食品) Jeff Shaw先生、馬來西亞國內貿易、合作社及消費部部長Dato’ Hasan Bin Malek、馬來西亞國內貿易、合作社及消費部副秘書長Dato' Mohd Arif bin Ab Rahman、牛奶公司集團北亞區地區董事(食品)朱秉志先生、惠康總裁林文聰先生為「馬來西亞風味」食品節2013揭幕

星級名廚余健志(Jacky Yu)在「馬來西亞風味」食品節2013揭幕禮上即席示範兩款馬來西亞創意菜式 ：

香炒椰香辣味蝦及馬來薄餅卷。

馬來西亞國內貿易、合作社及消費部部長Dato’ Hasan Bin Malek 更即場與星級名廚余健志合作炮製馬來西亞菜式。

 嘻嘻  我哋仲有幸品嚐到tim  , so yummy ~ ^0^

大家記得喺 "食品節" 推廣期間 到以上嘅 惠康Superstore 選購 & 試食 喇 !

 

 

 

 

 

 

 

最後多謝 Helen 嘅安排 與 大會送贈嘅紀念品  !  

                                          

 

  

 

 

泰 hea 遊 28 - 9 - 2013

 Day 5  ~ bye bye 鄉下

 

今日係旅程嘅最後一日
因為坐16:45分機 , 所以冇乜時間 hea
一早起身執好行李 去 checkout , 然後出咗去 Siam 嘅 food court 食啲嘢再行吓 !

順便買定今晚嘅宵夜返 香港食 ^0^
由於時間多嘅關係 , 所以食完晏仲可以"索"一陣先回程返酒店拎行李 出機場
為食嘅我返到酒店附近嘅商場 見仲有少少時間淨都唔肯放過要去食番杯雪糕先安樂 ~ hehe
呢間雪糕店 喺 BKK 嘅各大小商場都更有一間 , 多到呢 拍得住 7 仔 ~

佢哋嘅雪糕種類 , 款式都幾多 , 仲有雪糕 火鍋食 tim , 價錢 ok 唔貴架 !
tea time 仲有特價呢 ~ , 我揀咗杯椰青味雪糕球 , 老細就更係揀佢嘅至愛 ~ 朱古力味 ~ yummy

食完雪糕返酒店拎行李"打的" 去機場

今次我book 咗坐 Airaisa 航空 , 因為呢間 airline 啲機喺舊機場 , 離市區近啲 加上機場舊 地方細 冇得 shopping  可以遲啲出機場都得

喺 機場嘅 老麥 食咗個 火煺批 ( 呢個咸批都幾好味 ) ^^

 

食啲嘢後就夠鐘上機

8點正就返到香港 , 真係巧準時呢 !
回到家剛剛好有啲肚餓 , 可以食外帶 "泰"外賣喇 ~ haha ^^
Siam  foodcourt 嘅芒果糯米飯 + 超市買嘅 泰版 > 莎莉雪藏蛋糕 ^0^

蝦仔 , 蟹仔 + 魷魚絲

 

                                                                              
                                                                            END


後記 :

講樣低能嘢比大家知吖 ~ 哈哈

事原係 我見未試過坐 Airaisa 啲機  , 見佢呢排成日做特價好似好抵咁 所以" seafood癢" book 咗

之後去到泰國先發覺原來落點喺BKK嘅舊機場 ( 去到先知 , 我係咪好低能呢 )

( 好彩 bkk 我都算熟路 ,否則實比老細 剷爆 我賣佢豬仔  kakakaka )

呢個舊機場只得 的士 , 私家車 & 一架好殘舊嘅巴士出市區

機場服務員小姐話我知呢架巴士會經 Mo Chit 站

咦 ~ 順路喎 , 由 mo chit 到 victory 只係幾個站 ok喎 , 見行李唔重一於試吓坐巴士 , 反正的哋都好耐冇喺泰國坐巴士 .

開車後發現原來呢架巴士仲係用緊服務員喺車上售票收錢架 , 好懷舊呀 哈哈 ~

                                      


& 講番呢間 航空

佢哋嘅票價其只包票價 稅 , 係唔包飛機餐同 飲品 架 ( 我哋習慣食飽飽先上機 , 所以係冇問題呢 )

起飛後如覺得肚餓  口渴 亦可即刻購買 餐食 & 飲品

 而行李方面都只係包 手提 7 kg , 如寄倉行李就首重 20k計收 hk$110.

如果想預早上網揀定機位 咁就每人每程盛惠 廿個大洋 > 即雙人來回 $ 80皮

寄倉行李都可以喺起飛前預早4 小前上網購買 , 會平過到機場先計 .