2016-12-24 Xmas eve dinner

又到聖誕 又到聖誕 要開心過聖誕 啦啦 喇喇 啦啦 喇喇 ～ 🎉🎄🎅🎁🥗🍽🍨

今日係平安夜 我預祝各位blogger 聖誕快樂 ！

玩得開心 食得開心 拆禮物時仲開心 yeah yeah yeah !!!

今晚又同老細 呢 喺 屋企撐枱腳（老人家係咁，怕出街同人迫，怕被迫食套餐）所以索性自己整 呵呵！

去年聖誕節 整咗個聖誕花環pizza &茜蘭花聖誕樹  真係好有節目氣氛又盞鬼 好味。 所以今年又照版煮碗 翻炒吓先

聖誕花環pizza:🥗今次用咗千島醬底。長腳蟹肉。菠蘿粒。大量芝士。焗完後再加上火箭菜 車厘茄做裝飾。靚嘛？嘻

茜蘭花聖誕樹: 🎄中間係芝士忌廉拌薯蓉。然後外層就插滿已經烚熟了茜蘭花。再加上甘荀粟米粒粒裝飾 再唧上蛋黃醬，食得嘅聖誕樹誕生了喇，哈哈！

牛柳粒酥皮盒🐮🥐：用咗一口和牛煎香 放在吸成花型的酥皮盒上，賣相不錯 味道也不錯呢！

餐湯：薯粒蘑菇忌廉湯

餐飲：蝶豆花檸檬梳打

第一次整唔夠紫，都係 Bkk 嘅 Sofitel hotel 整得靚好多

甜品：火焰雪山（清蛋糕+石板街雪糕+馬令）燒燒燒

 我支火鎗買咗N年終於開光喇 😂

 今年嘅 Xmas eve dinner 都整得算唔錯😊

& 多謝老細送嘅大粒金莎^^

謝謝收看🤗

2016-12-18 #口金包#聖誕禮物

今年聖誕節嘅大搞作就係 ～ 唔食得嘅口金包～ 哈哈

本年度已經去咗台灣3次，嘿嘿！

買買埋埋 唔少靚布（我覺得靚囉，哈哈）

早前拎咗幾塊布整咗幾隻口金包 送比友人，拍照後放上Facebook 即引來不少 有心人士order 要求'領養'（無錯，係領養，因為領取口金後嘅人士一定要幫我餵飽佢哋，餵到佢哋脹卜卜先得架）哈哈

由於認領人數大增，所以我要密密裁呀裁，縫呀縫，希望在聖誕節趕得切做起 送給友人們當做 聖誕禮物^^

幾經努力 終於在'冬至'前一天完成了36隻 口金包，真係做到手指頭都拮到出哂血（請鼓掌吖，唔該）：目

2016-11-27/28 燉桃膠

近期大紅之 桃膠，平價得嚟又滋補

我呢啲死窮鬼 更係唔會放過啦，哈哈！

今晚秋風起 不過唔想食臘味，一於燉番盅甜品滋潤吓先，呵呵！

我用咗桃膠 南北杏 雪耳 海底椰 玉竹 無花果 冰糖嚟燉

水滾後轉文火燉1小時即可

桃膠：

先將桃膠 用水浸發一晚（桃膠都幾索水同發得幾大吓，所以一次唔使浸太多&要落多少少水嚟浸）

浸透後嘅桃膠要先揀去雜物，如果不是即時食用 可存放冰箱約一星期

28/11 因爲老細前晚返工了 冇得食^^

所以今晚要燉多轉 我哋齊齊 滋潤 滋潤吓 ^0^

2016 台北遊遊蕩 Day 1

我呢懶散家務助理襯兒童節又去咗外遊抖抖氣：目

今次台北遊 係突然想閃就閃 所以冇太多指定行程，因為真係想離開香港幾日抖抖氣，讓沉悶嘅心情可以鬆一鬆！

05/4Day 1

今次坐國泰早機去 晚機返。酒店就在求其搜尋下找了這間：台北日記旅店-台北車站新館（去年12月開幕）

酒店就在台北國光車站前懷寧街直入第一個街口右手面，超方便又易搵，仲包埋簡單的自助式早餐添！

Checkin 攞房後見房間都算大（以此價錢比起同區&西門町的旅店簡直抵）房間有埋小冰箱 小夾萬，容得下兩個大喼都仲有路行呢，呵呵！

厠間 與 浴室有一排大窗，夠哂光猛，舒服！

放低行李後就出咗去搵食醫醫肚先！

經過 咖啡弄 上去望下 見又冇人排隊啊，啱哂！^^

今次試吓呢個 生果茶

好大渣呢，一個人飲哂都幾係嘢，哈哈

老細order 火煺牛角包配沙律菜

包內嘅火煺多到呢～要mark到個口好大先咬倒 哈哈

我order 嘅香蕉朱古力窩夫^^

原本諗住食少少醫吓肚 唔餓就算，誰不知呢個afternoon time 已經餓到呢～ ：^-^：

食完呢餐後 喺附近行咗一陣就返咗酒店休息一下差差電 瞓醒了就walk咗過去西門町商圈行街食嘢。

由於晨晝喺 咖啡弄 吃得太飽了，冇胃口食晚餐 所以只係喺商圈內揀咗幾款小吃食就算！

每次到西門町都必喝呢檔嘅蜂蜜苦瓜汁

仲有隔離呢檔嘅 大粒雞蛋糕：有幾款餡料任選呢 

揀咗 花生醬 紅豆 朱古力三款味 返酒店慢慢嘆^^

老細至愛之一：蚵仔煎

（不過呢檔整得麻麻哋）X

酸菜反而唔錯啊！

老細至愛嘅 ～ 香香雞