2017-6-18 fatherday 👨🏻 👴🏻💐
有飯局都冇去，兩丁友想靜靜焗喺屋企煮飯仔 🥘🍚
韓式拌飯 🥘+香煎鰈魚🐟+涼拌雲耳+冬瓜茶 🍹
祝大家 爸爸節 開心 愉快 ！
韓式拌飯：上次整過呢個懶人飯招呼客人，此飯簡單易做又好味
我嘅做法好簡單，材料：
珍珠米飯，泡菜，大豆芽，甘荀，油揚，豬肉片，韓式拌飯紫菜，韓式醃肉醬汁，芝麻
先將甘荀切幼條 再焯一焯熟備用。
大豆芽焯熟隔清水份，然後用韓式辣醬，少許鹽，麻油拌勻備用，
油揚切幼條，煲滾水加少許日式醬油，味碄然後落油揚拖水後浸15分至上味，然後撈起隔清水份備用。
將珍珠米飯放入一大鍋中間（上枱用），將泡菜，大豆芽，甘荀條，油揚鋪排好在飯面上（飯中央留空）
用油燒熱鍋後落豬肉片炒至7成熟後加入韓式醃肉醬汁炒至豬肉片全熟透後放在飯中央
洒上炒熟芝麻，然後在飯的周邊洒滿拌飯紫菜即可。
